鄭中基孭飛的電影《龍咁威2003》，上映至今票房大收近一千五百萬，成功奠定其新一代笑匠地位。他日前特地往購買禮物，送給有份幫手客串的好友如張學友等，更選購了童裝泳衣送給學友女兒。
鄭中基（Ronald）首次擔正主演的電影《龍咁威2003》，票房成績非常理想，累積票房已有近一千五百萬。
新戲大收旺場，Ronald不忘感謝一班老友如谷德昭和張學友等的幫忙，他早前曾揚言會送禮答謝一班有份客串的朋友，日前他便特地到尖沙嘴逛街選購禮物。
Ronald表示學友一向視女兒如心肝命椗，所以會買童裝送給對方，他當日甫入童裝店即看着細小的衣服，以扮可愛的語氣不斷說：「啲衫好得意呀，好靚呀，好靚呀。」令在場售貨員忍俊不禁，想不到Ronald買衫都不忘搞笑。
Ronald花了十分鐘時間選了兩件長袖小童上衣和一件線質泳衣，埋單約二千多元。
Ronald說：「哈哈，唔知MayMay（羅美薇）會唔會見到件泳衣，覺得個女未着得反而自己着咗先呢？」
Ronald後來又買了一個銀扣針送給谷德昭，當他看到一個皮手鈪時，即表示覺得很適合其經理人黃柏高（Paco），他說：「唔知白色定黑色有利佢今年呢？」隨即便致電徵詢黃柏高。
至於其他演員如Cookies的Stephy、張達明及緋聞女友楊千嬅等，Ronald則透露已送了一個電話給Stephy，又請了張達明及李燦森吃飯，至於緋聞女友楊千嬅，Ronald說：「佢話捐去保良局嘛！」
採訪：王連連 攝影：甄朝健
