經紀黃推介嘅越秀交通（1052），股價噚日叫做上升1.2%，收2.10元。
不過，小初胃口大，嫌升幅唔夠勁，結果俾經紀黃大鬧，話人哋係實力股，唔係神仙股，唔可以咁急進。
小初道歉之後，經紀黃再推介兩隻實力股，一隻係遠東生物制藥（399），另一隻係小初好耐冇掂嘅眼鏡股雅視光學（1120）。
遠藥近呢一個月，股價由2.50元水平起步，升到𠵱家3.225元，升幅唔細，但經紀黃話唔使擔心，皆因家陣PE仍未夠10倍，最緊要係老闆由8月至今，頻頻增持股份，計落買咗成36球貨，動用資金成億銀咁滯。
經紀黃話，單係呢一點，就可以睇出人哋好有誠意，遠藥年結日在6月底，計落好快就會公布業績，可在現階段偷步買入，等公布業績。
至於雅視則在下周三公布中期業績，但股價已經有反應，噚日上升5.2%，收2.525元。睇怕唔使多問，都係憧憬業績靚同埋有息派。
慕容小初