中文大學今年慶祝四十周年校慶，剛剛遇上沙士，打亂了慶祝活動，不過，錢一樣要籌，新校長一樣要搵。
八方聽聞，中大今次籌款好凌厲，分分鐘已經跑贏港大，籌得接近一億五千萬嘅款項，即係話到咗大學撥款委員會答應可一元對一元match嘅上限。
中大今次跑贏港大，有人就笑說要記前中大校長李國章一功，因為佢做咗局長之後，仍然好落力同金耀基校長齊齊亮相籌款活動，咁當然都要多謝好多有錢人同有心嘅校友，好似李嘉誠基金會噚日又捐咗八百萬畀中大眼科及視覺科學系。
講開金耀基，佢都係臨危受命，年底就希望搵到接班人，八方從海外老友得嚟嘅消息，大熱仍是美國史丹福大學經濟系教授劉遵義，此君來頭不小，外公乃已故國民黨元老于右任；劉遵義係香港長大，聖保羅男女校中學畢業，既係物理碩士，又經濟博士，十月鄭維健一登校董會主席，就有結果。
（圖）劉遵義
傳真︰2623-9278
電郵︰