倪震與周慧敏拍拖多年，近日有傳兩人已註冊結婚，不過倪震前晚澄清並未打算結婚，又稱與周慧敏已取得共識，不打算生小孩，就算一直恨抱孫的倪匡不時催促亦沒有用。倪震更笑說要家中的小貓叫倪匡做「阿爺」，令倪匡為之氣結。
倪震、章小蕙、任達華及林燕妮等，前晚在尖沙嘴出席名筆宣傳活動。
對於早前有消息指倪震與周慧敏秘密在加拿大註冊結婚，倪震前晚說：「呢啲嘢要畀時間證明一切，結唔結婚係兩個人決定，而且結婚唔係一件醜事，結咗會承認，一定會通知你哋。我咁講都可以代表Vivian（周慧敏）嘅心聲，因為呢個係兩個人嘅決定，總之呢刻暫時唔結住，我哋亦有共識，唔會要小朋友。」
倪震大爆父親倪匡多次催促兩人生BB，倪震說：「佢對我哋生細路有興趣多啲，佢成日叫我喺互聯網幫佢搵小朋友相，我試過叫屋企隻貓叫阿爸做阿爺，阿爸好唔鍾意，佢話我有人唔養去養貓。」倪震曾建議收養一名黑人小孩，但倪匡卻大力反對，倪震說：「阿爸話千祈唔好，我姐夫係外國人，阿爸話『雜種孫』唔要。」
倪震日前批評港台不懂尊重人才，前晚他說：「嗰番說話係自己講，但港台唔尊重我，件事係十幾年前，𠵱家啲人都唔同晒。」
而倪震日前亦接受有線娛樂新聞台節目《娛樂真相》訪問，提到周慧敏前緋聞男友劉錫明，他說：「佢當時知我同Vivian拍拖，重要追佢，『毒瘤明』可以講係我嘅壓力下嘅反擊或反彈。我唔會後悔咁做，咁做其實好小事。」倪震表示當年只是跟李嘉欣交往過，但沒有拍過拖，至於姚樂碧則並沒有拍過拖，但亦有通訊。
此外，章小蕙前晚暗示現時身邊不乏追求者，她說：「拍散拖幾好，冇壓力，我嗰晚同佢（指法籍調酒師）出席完活動，因為打風關係，喺酒店傾咗成晚偈。」
採訪、攝影：馮美茵
