好快又秋天，好多人一講起SARS就色變，事關香港經濟因而差到落谷底。點知八方噚日聽全國政協副主席徐匡迪講，原來SARS都唔係咁差。
徐匡迪噚日見「青年才俊團」嘅時候，開場白講到SARS，佢話北京嘅轎車數目喺SARS之後多咗，一個月就賣多萬幾部，因為大家覺得搭公車唔安全喎。
咁都唔止，香港零售業因為SARS蕭條到死，要政府出手去救，點知北京零售業並冇太大影響，因為SARS肆虐前，有傳聞過北京會封城，結果大家湧晒去買日用品，徐匡迪話咁都可以算係一種促銷！佢重話SARS建立咗走向文明衞生嘅飲食文化，就係「分吃」，大家唔再喺同一個碟夾餸，未嘗唔係一件好事。
傳真︰2623-9278
電郵︰