吳婉芳及羅霖昨日出席時裝展,提到名店Hermes及二手店「米蘭站」遭爆竊,其中Hermes的BirkinBag最為賊匪垂涎,昨日吳婉芳攜帶了Birkin同款手袋亮相,問她會否考慮減少帶這款手袋出街,她說:「唔會,我一樣照用,等如我一樣會帶個仔出街,個仔重值錢啦。」
代理多個時裝品牌如Episode、Jessica及Colour18等的Toppy集團,昨日於其中環娛樂行店舉行秋冬裝展,請得羅霖擔任嘉賓模特兒,胡寶星的媳婦吳婉芳則為時裝展座上客。
吳婉芳昨日攜同價值數萬元的HermesBirkin手袋亮相,問她有沒有留意早前Hermes中環店及專售二手名牌手袋的「米蘭站」遭賊匪爆竊,其中要苦候數年、二手炒價高至八萬元的HermesBirkin手袋,是最受賊匪垂涎的目標。
吳婉芳表示她擁有數個Hermes的KellyBag及BirkinBag,昨日帶出來的已用了十年以上,她說:「我哋以前買,唔使等幾年咁誇張嘅,可以買到現貨,我老公都好贊成我買呢個袋,因為夠classic同保值嘛,我唔會攞出嚟賣嘅,咪留畀個女同新抱囉。」
問吳婉芳Birkin手袋成賊匪垂涎目標,會否考慮減少帶出外?她說:「唔會,我照用㗎,等如我照帶個仔出街一樣,我個仔重值錢啦。」
此外,羅霖也是Hermes手袋的用家,KellyBag及BirkinBag她各有兩個,而且她與吳婉芳的口徑一致,表示不會二手出售手袋,會留給未來新抱用,她說:「呢啲手袋以前冇咁值錢嘅,係因為東京開咗間舖,巴黎啲配額畀晒東京,搞到香港長時間冇貨囉。」提到早前在新加坡度過生日,她說:「切蛋糕都切咗五個,老公最實際,送現金畀我,個仔就畫咗張卡畀我。」
採訪:RitaLeung
攝影:ChenWaiOn