香港飛行服務隊的兩名成員日前在執勤時發生墜機意外，但這並無減低鄧梓峰駕駛小型飛機的興趣，他仍然每周「遊飛機河」。梓峰日前更挑戰高難度，找導師教他玩花式飛行，在空中打觔斗。
四年前考獲小型飛機駕駛執照的鄧梓峰，一直嚮往翱翔天際的感覺，故自從考獲執照後，他每周均會抽時間玩小型飛機。鄧梓峰日前到石崗機場玩小型飛機，在起飛前，他花了約十五分鐘檢查飛機機件，隨即準備出發「遊飛機河」。
問鄧梓峰為何會有興趣考取小型飛機駕駛執照，他說：「我好細個就好鍾意揸飛機，一直以為學揸飛機嘅費用好昂貴，只會係一啲有錢人嘅玩意。直至一次我透過訪問認識咗小型飛機會嘅會員，佢哋教我乜嘢途徑可以學揸飛機。我𠵱家重學緊花式飛行，可以喺空中打觔斗，遲啲有機會重想考埋直升機牌㖭。」
梓峰表示駕駛小型飛機並不困難，他說：「只要有好嘅英文基礎，就可以去報名學。每小時嘅課堂費用大約一千六百蚊，基本上都要學四十至五十小時。」
梓峰還向有意學揸小型飛機的人士大派定心丸，他說：「我好少聽聞有人會考唔到，肥佬嘅。」梓峰取得駕駛執照後，曾試過在加拿大、澳洲和澳門等地飛行。問梓峰覺得哪裏風景較漂亮？他說：「我反而覺得香港好靚，因為地理環境好密集，短短嘅航程都可以欣賞到好多建築物同風景，飛行期間一啲都唔悶。」
香港飛行服務隊日前駕駛直升機執勤時發生墜機意外，問這件事可會影響梓峰的飛行心情？他說：「都唔會，因為我揸小型飛機係『目視飛行』，一定要配合清晰視線，而且飛行前都會檢查得好清楚，所以唔會擔心。」
採訪：比華利
攝影：仇志德
