男子組合Aunties去年在校園騷中露出鬚根及腳毛扮Cookies「一舉成名」後，便有唱片公司替他們出唱片、接拍網劇，Aunties自言全靠多元化夠主動，更指LMF解散全因不夠主動。
來自網上組織UMOVIE.net的八人男子組合Aunties，去年自資搞校園騷，扮Cookies大跳大唱而出位。Aunties日前又開始密鑼緊鼓綵排，準備後日在理工大學賽馬會綜藝館舉行的「全球華人異種格鬥技選拔賽」中再次以其騎呢、搞笑的方式扮女人、扮超人，實行要娛人娛己。
Aunties由八個十幾歲至二十幾歲的年輕人組成，成員包括只得十六歲的中學生B仔，在浸大讀心理學的阿Lock、電腦程式員賤佬、設計師八神與民宿、在旺角開舖賣潮流暴走鞋的阿Five、失憶及物流業文員吔媽爹。
八人全憑扮「惡心Cookies」出位，結果不但吸引廣告商垂青，還受到唱片公司注意替他們出唱片，一年內更大大小小接了三十多個騷，簡直是逆市奇葩。
其貌不揚的Aunties非常享受做業餘明星，但提到加入娛樂圈時，失憶說：「我哋冇興趣入娛樂圈，不過有興趣同Twins影合照。」
阿Lock則說：「我哋鍾意Cookies先扮佢咋。我哋都算勁啦，Cookies拆夥改組，但我哋呢隊都重喺度。」
阿Five說：「大家睇我哋扮Cookies都唔知幾開心，重搵我哋跳舞表演，我哋重試過負責頒獎畀Cookies，組合都可以有好多唔同方向，我哋好主動㗎，LMF呢啲唔主動嘅樂隊咪死咗囉。」
賤佬則謂：「我哋同啲歌星一樣，可以喺舞台表演，又唔驚年尾冇獎攞，因為本來就唔會攞到。」
採訪、攝影：卓美娟
