八方近日收到特別為李小龍逝世三十周年出嘅紀念版VCD精選套裝（圖），有齊佢六套經典電影，包括《唐山大兄》、《精武門》同《死亡遊戲》等。邊間公司出嘅呢？原來係傳媒大亨梅鐸旗下星空傳媒（STARTV）嘅出品，聽講佢哋早年同嘉禾、金公主等買咗唔少片，除於本身頻道播放外，亦為當年喺香港搞收費電視作準備。
星空最後放棄收費電視計劃，但唔代表批片得物無所用，因為佢哋成立咗一間新公司FortuneStar，將其片庫統一處理，自己做發行，除咗VCD外，重計劃將一啲經典名片全部數碼化，日後以DVD形式推出。聽講佢哋重有自己劇集，未來更計劃自己拍電影，近期收費電視咁熱，可能遲吓會賣內容畀人。
傳真︰2623-9278
電郵︰