行會前成員楊鐵樑自從全面退下，已經無官一身輕，八方有一次問佢𠵱家係咪弄孫為樂，點知佢話唔係，係以「教啲嚟自中下家庭嘅後生仔女學英文」為樂，可見佢幾咁鍾意傳授平生所學。
港台可能知道楊官情有獨鍾，所以一提出請佢上電台教英文，佢馬上一口答應，由九月中起，一至五每日講五分鐘，上至天文，下至地理。
楊官話，好似中國人鍾意講個句「相逢何必曾相識」，英國大文豪莎士比亞亦有相近嘅名句，到時可以同大家研究一吓。
至於最近隨皇馬訪港嘅英國球星DavidBeckham，香港人譯做「碧咸」，楊官就認為可能佢哋唔知個「h」應該係唔發音，所以譯做「碧金」較為準確。
呢啲話題聽落都好有趣味，學語文咁枯燥，楊官驚嚇怕人，於是諗盡辦法令佢變得生鬼啲。
（圖）楊鐵樑話Beckham個「h」應該唔發音，所以譯做「碧金」啱啲。
傳真︰2623-9278
電郵︰