關秀媚昨到東區裁判法院為妨礙司法公正案應訊，結果被判罪名成立，即時收押大欖懲教所候判，其好友劉嘉玲聞訊後十分愕然，寄語關秀媚在獄中要振作做人。而曾與關秀媚傳緋聞的方中信則指她犯案並非早有預謀，認為要即時收押大欖懲教所的做法太重，方中信希望法官十四日後判刑時，可以從輕發落。
關秀媚去年在跑馬地發生交通意外，事發後涉嫌與同行男性友人串謀妨礙司法公正。昨日關秀媚在胞姊陪同下，到達東區裁判法院應訊，結果被判串謀妨礙司法公正罪成，即時送往大欖懲教所，等待本月十七日判刑。關秀媚在圈中人緣頗佳，她的好友紛指即時收柙太重，其老友劉嘉玲更寄語關秀媚要振作做人。
關秀媚跟劉嘉玲十分稔熟，昨日嘉玲到北角香港殯儀館出席友人周匡朝的喪禮時，得知好友被判串謀妨礙司法公正罪成，即時顯得十分愕然。嘉玲說：「我唔知喎！我今日開緊工。」問嘉玲有甚麼話想對關秀媚說時，她答：「我希望佢振作。」
問嘉玲會否感到擔心？她說：「我重未知佢嘅情況，一陣我重要返去開工。」而曾與關秀媚傳緋聞的導演王晶，昨日則在電話中說：「我唔回應。」
另一位曾與關秀媚傳緋聞的方中信，則表示十分關心好友被收柙的消息，方中信昨日在電話中說：「我今日揸揸吓車有記者打畀我，聽到呢個消息我好shock（震驚），我覺得呢個做法好似重咗啲。雖然我唔識法律，但了解過整件事，我真係覺得唔係咁大件事，佢呢次又唔係早有預謀，唔係有目的或者有心犯案，佢都係因為飲大咗啫，所以先會亂講嘢，我可以絕對講一句，佢當時咁樣做一定唔係有心嘅。作為好朋友我真係好唔開心，希望十四日後，法官會判佢輕啲嘅刑罰。」
問到方中信在關秀媚應訊前可有跟她聯絡時，他說：「事發後我都有同關秀媚聯絡過，最近一次見面係一個星期前喺上山詩鈉嘅生日派對，當時佢都顯得有心事，可能都係擔心判刑，我當時見佢都已經減少咗飲酒。」
此外，袁詠儀（靚靚）與關秀媚亦十分老友，她昨日得知好友被即時收監後，表示十分意外。靚靚在電話中說：「乜唔係冇嘢咩？因為我之前喺上山詩鈉嘅生日會見到關秀媚，我聽講都唔係咁大問題。不過當時我逗留咗約半個鐘頭，我見到關秀媚嗰晚心事重重，同佢平時成日同朋友傾個不停明顯好大分別，唔知係咪為呢件事擔心。不過，無論點都好，我都好關心佢，或者會搭朋友傳個口信去問候吓佢。」
採訪：比華利、陳梅香、魯萍
攝影：林德雄、陳慧安
