Boy'Z首次以古裝造型拍網劇，兩人為爭奪鄭希怡（Yumiko）而展開決鬥。而Steven更要戴頭套扮光頭，雙手托起大鑊，勇闖少林寺，十分搞笑。
二人組合Boy'Z在早前拍攝的now.com.hk網劇《一起喝采》中，除了要扮乞兒，更要落水、吊威吔，甚至以光頭形象示人，十分搏命。其中一幕講述兩人為爭奪鄭希怡（Yumiko），所以兩人展開決鬥。
導演為求達到搞笑效果，更要Boy'Z改變形象，以古裝比武。
而Kenny和Steven在化妝後，即時展示他們的好玩本色，扮鬼扮馬，令在場工作人員哭笑不得。
Kenny及Steven異口同聲說：「原來拍武俠片真係好辛苦，化妝又耐，不過吊威吔嘅感覺就好得意，好似雀仔咁飛來飛去，好過癮。」
Boy'Z又表示有興趣參與武俠片演出，並興奮地說：「拍古裝真係好好玩，可以抽離現實，做一啲平時做唔到嘅嘢。」
而其中有一幕講述Steven要戴起頭套扮光頭仔勇闖少林寺，雙手還要托起大鑊，扮出一副痛苦表情。為求達到搞笑效果，導演要Steven做出誇張的表情，而當導演叫cut後，他還托住大鑊周圍搞事。滿頭大汗的Steven笑說：「今次真係大鑊啦！」其後他又說：「如果真係有個好劇本畀我發揮，剃光頭都冇所謂，況且今次我嘅光頭Look都好有性格呀，光頭有光頭嘅型吖嘛！」
