白韻琴： 我覺得𠵱家嘅法律好唔公平，入監要通櫃，我都戥關秀媚擔心，好彩佢唔係販毒，如果唔係重要通前同通後。講真喺監獄嘅日子真係好難捱，我寄語所有人，每當遇到有乜嘢事都要保持緘默，一定要有律師陪同先好落口供，希望呢啲事唔好再發生喺其他藝人嘅身上。
張堅庭： 乜咁大劑！呢件事皆因飲酒累事。其實佢身為公眾人物都應該盡量少飲酒，行為都要檢點啲。我同佢合作過，佢做嘢態度好認真，性格又爽朗，又唔識拒絕人，所以飲酒會愈飲愈多。
張文慈： 關秀媚份人好nice同有義氣，對前輩同後輩都好好，聽到佢呢件事都唔開心。其實藝人好大壓力，佢基本上都冇傷天害理，希望佢可以好快冇事。
