翁為德產後纖體成功，並穿上比堅尼拍宣傳照。翁為德日前飛返美國跟丈夫鄒兆龍共聚天倫，鄒兆龍見到收身後的太太嚇了一跳，並聲言視她為新女友。
名模翁為德早前在美國誕下雙胞胎後獲皇室纖形贊助纖體，經過兩個星期的療程，現在已回復產前的狀態。翁為德日前穿上比堅尼泳衣和Versace的晚裝拍照，大騷誘人身段。
問翁為德是否滿意現時的身形，她日前在長途電話中說：「我嘅三圍數字係34、25、35，而體重約一百二十七磅，𠵱家我嘅身形都完全減番到產前做模特兒一樣，我最開心係減完肥冇肚紋，可以着番比堅尼泳衣做騷。」
翁為德纖體後第一件事是返美國與家人團聚，翁為德曾表示產後太肥，不敢跟一對孖仔拍攝全家福，因為怕影衰可愛的兒子，收身後的翁為德即顯得歸心似箭。翁為德說：「最搞笑係當老公嚟機場時，佢見到瘦咗嘅我都嚇到呆咗，佢𠵱家當正我係新女友。」
翁為德的外籍鄰居看見她亦很驚奇，並爭相走近她檢視其身形，翁為德笑說：「鄰居幾乎當晒我係『社區人辦』，佢哋一個傳一個，有啲住得好遠嘅重專登拍門話要見吓我個真人先信，你話係咪好好笑。」
採訪：比華利
