新華社噚日出稿，話港澳兩個特區嘅行政長官，董建華同何厚鏵都會齊齊去廈門，出席第七屆中國投資貿易洽談會，重會喺「國際投資論壇」上同副總理吳儀同台演講。
咁好機會見到吳儀，老董當然要好好表現一番，唐公子亦會以財司身份參加，新華社講到個會好巴閉，又話英美等外國官員同貴賓都會出席，希望老董到時咪失禮啦。
老董返港冇耐，煲呔又起行赴美，講到去美國，八方就諗起當年煲呔又係去紐約同華盛頓訪問，碰正911，今次又咁啱係九月份，會唔會又係嗰日去美國呢？煲呔嘅新聞秘書話一定唔會，但最後行程未定。至於前晚颱風杜鵑襲港，煲呔整晚喺白加道官邸，佢都唔知屋企前面棵樹被吹倒，更唔知個細佬咁啱經過，親自督師鋸樹。
傳真︰2623-9278
電郵︰