去英國充電嘅吳靄儀已經放完大假返港，為周五同保安局局長李少光見面做足準備，睇吓李局長係咪真心聽民意。
八方有一次同吳靄儀傾偈，Margaret笑話自己過去一年認真勤力，夾夾埋埋寫咗百幾篇文章，唔少同23條有關，加上又要開會，又要做23條關注組，忙到透不過氣。
佢話最辛苦係六月，政府不斷出新修訂，商界又唔知禁制機制對佢哋啲公司影響咁大，於是吳靄儀特別整理咗一輯相關嘅資料，等佢哋唔好矇查查。
吳靄儀到𠵱家都唔明政府當時點解咁急，佢更加唔明大陸點解睇唔到香港發揮嘅作用──上海點解冇新聞同資訊自由都可以發展金融市場呢？咪皆因香港囉，香港消息靈通嘛。「咁你連香港呢度都熄埋燈，既影響香港，亦都影響內地。」吳靄儀自問自答，自己都有好多嘢唔明。
傳真︰2623-9278
電郵︰