三星一向都以摺機示人，甚少有直身機推出，之前部C100水貨流入香港，都頗受港人受落。所以早前三星就公布會推出兩款全身直身手機，型號為X100及X600，兩者外形基本上可謂一模一樣，其中大佬X600就加入30萬像素影相鏡頭喺機頂，兼且鏡頭旁更有閃光燈，繼續保持扭擰鏡傳統，比起現時之直身影相手機(鏡頭多設在機背)又另具特色。
而65,536色彩芒及40和弦已經係三星指定動作，再加上SMS、EMS及MMS全部支援，特別一提係機身內置9MB記憶體，幾多圖片鈴聲都裝得落。兩部新機預計今年第三季發售，暫時未知香港會否有行貨推出，否則各位用家又要寄望水貨了。
記者：劉耀祥
