一場沙士疫潮，至今仍令港人猶有餘悸。但腦筋轉得特別快嘅香港人，驚還驚，點都唔會忘記搵錢，所以講及沙士襲港嘅書籍，就恍如雨後春筍咁湧晒出嚟。至於首位發現沙士疫症係冠狀病毒引致嘅港大醫學院微生物學系系主任袁國勇教授，喺千呼萬喚下，終於答應出版一本關於今次沙士疫潮嘅書。
袁教授話畀八方知，佢好忙，既要教書、又要睇病、又要做研究……實在無暇寫書，但最後仍然答允出書，主要係想將今次搵到沙士病源嘅過程，同埋點樣進行研究，以至傳染病嘅發展等闡釋出嚟，同大家分享。
袁教授慨歎，如果政府喺威爾斯親王醫院爆發沙士疫症初期，能果斷地派出一組人員接管威院，相信疫症嘅爆發程度同範圍唔會咁大，佢認為只要街市衞生同醫院防疫嘅工作處理得宜，爆發疫症嘅機會會相應降低。由於袁教授未有明言大作嘅出版日期，睇嚟大家只好引頸靜待。
傳真︰2623-9278
電郵︰