八方噚日講過，總商會上京嘅採訪安排好亂，重有高層口痕提醒個別報館嘅記者寫嘢小心啲，八方一句「唔通有錢人真係大晒？」令到總商會總裁翁以登唔多開心；佢噚日大清早去港澳辦，一落車乜都未講就問《蘋果》記者喺邊度，又話自己絕對唔係大晒嘅人。
正當八方嘅同事奇怪翁總裁係咪自認有錢人之際，佢猛沙冧承認行程安排上有誤會；但之後又問「某報」記者「扭完計未」，咁究竟佢係咪真係有心道歉呢？
講開總商會，颱風杜鵑真厲害，搞到成班有錢人噚晚冇飛機搭，被迫滯留北京，好多嘢係有錢都改變唔到嘅。
傳真︰2623-9278
電郵︰