女子組合Twins近日拍攝新唱片的封套，大玩性感形象，又大玩瑜伽。而Twins昨日因為颱風關係而獲得額外假期，蔡卓妍（阿Sa）表示會約同事到家中打麻雀，而鍾欣桐（阿嬌）就去做纖體療程。
女子組合Twins日內便會推出個人廣東大碟《Evolution》，二人日前拍攝封面照時大玩性感，阿嬌和阿Sa不時在長鏡前搔首弄姿。
昨日天文台高掛八號風球，Twins的所有工作都被迫取消，二人獲得額外假期，分別安排自己的節目。阿Sa昨日在電話中說：「我咁瘦，打風就最好留喺屋企，記得細個十幾歲時同媽咪去街，又係打大風，我當時拎住把雨傘，竟然畀啲狂風扯起，好彩媽咪即刻拉住我咋。」
問阿Sa有甚麼節目，她說：「咁就梗係打麻雀，我諗住一陣約班同事嚟屋企開枱。我哋唔會打得好大，最大上落都係一百幾十蚊。」至於阿嬌就打算到纖體公司做纖體療程，她昨日亦在電話中說：「我想再瘦啲嘛。」
此外，Twins日前拍攝新碟封套，二人穿上性感衣着，並在鏡頭前大做瑜伽動作，幸好阿Sa和阿嬌平時演出都練習跳舞，所以她們的身手都算靈活和敏捷，Twins稍為練習一下都能做到攝影師的要求。Twins在拍攝之餘，更寓工作於娛樂，不時拿出相機玩自拍。
採訪：比華利
