王敏德馬詩慧夫婦、陳穎妍和李莉莉等，前晚在灣仔會展出席《奇幻兵團LXG》首映，近日有消息指王敏德的胞兄羅素和女友張天愛已結婚，王敏德說：「我唔想由我把口講，佢哋會返美國結婚，我唔知送乜嘢畀佢哋，禮物會由太太揀。」
王敏德續說：「到時我都可能返唔到美國，或者我用直升機載佢哋喺半島酒店上空兜一圈。」
提到香港飛行服務隊日前發生墜機意外，擁有直升機牌的王敏德說：「調查報告未出，我唔方便講咁多，我𠵱家只有美國直升機牌，遲啲會考埋香港直升機牌。」
而李莉莉談到近況時說：「我𠵱家教人打台灣麻雀，高峯期有一百九十八名學生，我都有教老人家。」
採訪：StephenieYeung
攝影：ChanChiLam