關心妍上周推出卡拉OK碟，原來碟內其中三首歌曲，因與Neway卡拉OK簽下之半年獨家試唱期仍未屆滿，涉嫌違約偷步出碟，令Neway大為震怒，遂要求關心妍所屬的BMA唱片公司馬上回收新碟。
關心妍（阿Jade）上周四推出一張名為《心愛、心妍》的卡拉ＯＫＶＣＤ及ＤＶＤ，ＶＣＤ售七十多元，ＤＶＤ則售一百多元。碟內收錄了她出道以來所推出的三張大碟內的多首歌曲，當中有三首歌卻因仍處於Neway卡拉ＯＫ獨家試唱的合約期內，阿Jade的卡拉ＯＫ碟涉嫌偷步出街，難怪Neway獲悉後大為扯火。
Neway之前以約五百萬元，向羅傑承所開的ＢＭＡ唱片公司，簽下兩年共六十首歌的獨家試唱版權，BMA旗下歌手阿Jade、傅珮嘉、小雪及於年尾出碟的呂方，新歌獨家試唱權均歸Neway所有，而每首新歌的獨家試唱期為六個月。
阿Jade月前推出的《Jade3》碟中，收錄的三首歌《優先訂座》、《PeaceNoWar》及《戰爭不是答案》，據知其獨家試唱期要到本月尾才屆滿，不過BMA卻偷步推出逾萬張卡拉ＯＫ碟，換言之fans可透過買碟而唱此卡拉ＯＫ歌曲，此事是繼容祖兒《我的驕傲》一曲的獨家試唱紛爭後，再次掀起卡拉ＯＫ與唱片公司的糾紛。
據知上周末Neway方面致電BMA，要求對方馬上收碟，Neway市場部負責人Joey日前在電話中對本報說：「關心妍隻碟重差一個月至滿合約期，我哋𠵱家徵詢緊律師嘅意見，要求佢哋即刻收番晒啲碟。」
Joey坦言Neway對BMA這次偷步出K碟大感不滿，他說：「我哋都嬲㗎，我哋一路係partner關係，收番啲碟就一定㗎啦，可能會採取法律行動。」未知Neway會否要求BMA作出賠償？Joey說：「要睇番律師嘅意見至有決定。」
本報致電BMA唱片部總經理Spencer求證，他說：「其實阿Jade上次出嘅唱片，到𠵱家都將近半年，今次出卡拉ＯＫ碟，喺時間上係有少少疏忽，我哋會私底下同Neway傾番。」對於Neway要求BMA收碟，Spencer說：「張碟都出晒街，賣咗好多啦，希望同Neway傾番掂啦。」
採訪：朱芷瑩
