八方有位同事噚日喺中環麗嘉酒店飲宴，見到好多政界名人出出入入。最有趣嘅都係立法會議員李國寶同身為教統局局長嘅細佬李國章，兩兄弟搭住膊頭走出嚟，有講有笑。
八方問李局長嘅新聞秘書，佢兩兄弟有乜嘢要密斟，佢梗話唔知，不過就話，其實佢兩個好好感情，耐唔耐都會坐低傾吓偈，特別喺立法會開會期間，碰頭嘅機會更多。
李國寶喺政壇嘅經驗始終比細佬豐富，教吓路都應該，何況阿松下馬之後，第三屆特首重有得爭，李國章唔係完全冇機會。重有李局長上周已經返港上班，八方聽聞李太嘅病情已較穩定，並在康復當中。
傳真︰2623-9278
電郵︰