余文樂和黃伊汶昨日到商台出席「叱咤樂壇余文樂黃伊汶天橋上的音樂會」記者會，只見余文樂走路時一拐一拐，原來昨日他滑水時不慎被滑板弄傷左腳，黃伊汶到場後大力拍了他一下，他發惡說：「黐線㗎！𠵱家隻腳又痛又痹，好彩唔係撞到塊面，唔係就玩完嘞。」
黃伊汶雖然已經改了英文名Emme一段時間，但昨日余文樂仍然稱呼她做Dior，要黃伊汶即時糾正他。余文樂亦大彈黃伊汶介紹他吃的增肥藥令他十分渴睡，黃伊汶說：「係佢冇依我個方法食啫，我食咗就肥咗十四磅，我個目標係肥多十磅，不過最慘係肥晒喺條腰度，但就冇肥到喺個胸，搞到我又要做sit-up。」
採訪、攝影：駱華齡
