中國老虎仔都要遠赴海外學習生活？國泰航空噚日贊助拯救中國虎國際基金會，將兩頭幼虎由中國運到南非，等佢哋去學習野外求生獵食技能，第日重返中國可以重新喺野外生活。
國泰話，呢兩隻分別名叫「國泰」同「希望」嘅老虎仔，今年喺上海動物園出世，被選入「拯救中國虎」計劃。國泰企業傳訊部總經理黃家倫話，國泰係呢個計劃嘅指定航空公司，希望在未來五年，把五至七頭幼虎從中國送到南非，等佢哋學習適應野外生活，預期呢批老虎同埋佢哋嘅後代會在二○○八年重返中國。唔知到時八方有冇緣訪問吓呢兩隻老虎，講吓「留學」南非嘅感受咁呢？
（圖）國泰空姐喺老虎仔飛之前，同佢合照留念。
傳真︰2623-9278
電郵︰