近期，本地車市似見有復甦迹象，姑勿論有多大升幅，始終會係一件好事。然而，近排傳出有唔少揣測嘅標緻及積架汽車，雖然代理權會否易手仍未見有定案，之不過佢哋兩家位處九龍灣嘅汽車維修服務中心，早前經已遷出原址，搬咗落去土瓜灣木廠街喇！咁你估原本響九龍灣信和工商中心，有近二萬多平方呎嘅舊址又點呢？經亞Mark打探過，原來已經有人承租做番汽車維修中心，不過就唔係亞Mark同各位心目中預計，會係某某汽車代理噃！反而會係近日取得德國Brabus香港代理權嘅獨立汽車入口商。查實，佢哋早年響九龍灣大昌汽車服務中心對面，經已開設有一間頗具規模嘅維修中心，但聽聞因為地方不敷應用關係，咪惟有開多間更大嘅維修服務中心囉！難怪近排有唔少汽車代理，都對一班獨立車行眼紅啦！