電盈董事總經理蘇澤光嘅母親蘇鍾妙英早前逝世，噚日喺九龍聖德肋撒教堂舉行追思會。去蘇老太追思會嘅除咗小小超李澤楷之外，出席嘅高官名人唔少。特首董建華、政務司司長曾蔭權、澳門特首何厚鏵以及超人李嘉誠都有送花牌。環境運輸及工務局局長廖秀冬、公務事務局局長王永平、大班鄭經翰等親自出席。
蘇澤光致悼念詞時，盡顯對母親嘅敬重同不捨，佢話：「媽媽係個好平凡嘅人，最唔平凡係佢充滿愛心，佢早年受過艱苦，但永不投訴，繼續過住樸素同克己嘅生活，有咁嘅媽媽，係我哋幾兄弟姊妹嘅光榮同福氣。」
另外，立法會議員梁耀忠嘅母親也不幸於上周六辭世，議員都收到通知，可於今晚或明早前往弔唁。
（圖）蘇澤光（右）與前來出席母親追思會的親友握手，以示謝意。
傳真︰2623-9278
電郵︰