「畀個仔知，老竇搵錢幾辛苦」
志偉父子車輪濕吻肥媽

曾志偉在電影《大丈夫》中，不但要跟肥媽瑪利亞拍攝一幕濕吻戲，連他的兒子曾國祥亦要跟肥媽拍接吻戲。志偉表示兩父子要有福齊齊享之餘，更希望兒子親身體會父親養家甚艱難！

為在新片《大丈夫》中營造爆笑效果，曾志偉不惜「犧牲色相」與肥媽瑪利亞濕吻，劇情講述肥媽是志偉在求學時期的戀人，某次志偉跟舊情人肥媽重遇，二人一時情不自禁接起吻來。雖然志偉與肥媽無論接吻或是演戲都經驗十足，但每當二人培養好情緒準備拍攝時，都忍不住笑了出來，而且更笑得眼淚直標呢！

「三十年來最受罪」
結果，志偉與肥媽NG了差不多二十次才成功，二人足足濕吻了一分鐘，有份客串演出的譚詠麟，在志偉「完事」後即抵死地拍一拍志偉膊頭，然後一臉正經地說：「辛苦晒！」氣得肥媽抗議說：「我都唔好受㗎，錫到嘴都歪埋！」志偉亦不甘示弱道：「今次係我從影三十年以嚟最受罪嘅一次。」

父子有福同享
志偉又安排兒子曾國祥跟肥媽濕吻，兩父子實行有福齊齊享。志偉說：「國祥喺《大丈夫》裏面飾演我嘅後生版，故事講我後生嗰陣未試過同舊情人肥媽接吻，於是成日幻想。其實我安排國祥同肥媽接吻呢場戲，除咗係諗住有福齊齊享之外，最主要係想畀個仔知道，老竇搵錢係幾咁辛苦！」