7.1五十萬港人上街，連國父孫中山先生的孫女孫穗芳都大叫佩服。孫女士噚日去咗瑪利諾修院學校用英文講解三民主義，當佢回答學生提問時，主動講到好尊敬上街嘅港人，因為「youfightforyourownright,doingtherightthing!」（你們為權利而戰，幹了一件正確的事！）全場師生即時掌聲雷動。孫女士重話：「得民心者得天下」，既然人民反對，所以政府應該唔會再提出《基本法》23條。唉，孫女士，可惜我哋特區政府係出咗名一意孤行，唔理民意呢。
孫女士重有一個心願，就係明年底前喺內地豎立一百個孫中山銅像，下個月就開始做其中八個，「銅像會刻上他是國父，我相信兩年後內地會承認孫中山身為國父的歷史地位。」孫女士重帶埋佢位三十五歲嘅公子王祖耀出席講座，呢位曾外孫長相重同國父有幾分相似呢。
傳真︰2623-9278
電郵︰