總商會黎定基同翁以登噚日帶團上京見領導，好多外國商會代表好似富商夏利里拉都畀面出席，不過最搶眼都係有錢大肚婆蔣麗莉，佢已經七個幾月身孕，十一月就生得。
蔣麗莉噚日一抵埗，佢肚入面個囝囝好快成為焦點，佢話自己都好擔心咁大個肚重跑來跑去，加上噚日搭架飛機，因香港天氣惡劣，加上機件故障，要轉過另一隻機，遲咗差唔多三個鐘先到北京，連佢老公都擔心到死。
總商會噚日都好抵死，明明去拜訪銀監會，無啦啦又老點啲記者去貿促會等。有某報記者講明會彈吓啲安排做得唔好，轉吓頭竟然收到總商會高層嘅電話，提醒佢要小心總商會同佢報館嘅關係。唔通有錢真係大晒？
（圖）蔣麗莉已經有咗七個幾月身孕，十一月就生得。
傳真︰2623-9278
電郵︰