九月一日唔單止係學校開課日，特區政府亦都返齊晒人，為新立法年度做好準備。
雖然只係放咗一個禮拜假，八方聽聞，煲呔曾已經喺國內轉了一圈，去咗雲南同四川成都，重入埋西藏，睇嚟曾司長重好fit，因為佢登上海拔咁高嘅地方，都完全冇事。
究竟今次西藏之旅有乜收穫，煲呔都唔得閒講，因為要忙於工作，唔好以為TeamClean收咗檔佢就完全唔理，「我重會睇住檔攤。」佢向人咁講，言下之意，就係「清潔香港尚未成功，同志仍須努力」。
除咗煲呔之外，其他問責高官亦相繼回朝，而老董呢個星期三如果打唔成風，佢會做埋最後一壇地區人士嘅諮詢工作，今次到新界西，聽埋咁多意見之後，佢老哥會有乜搞作，只有董辦先知道。
傳真︰2623-9278
電郵︰