汪明荃（阿姐）昨日到港台主持《精靈一點．健康一點》節目，並邀請了曾患乳癌的葉麗儀做嘉賓，首日開咪的阿姐事後坦言心情緊張，而葉麗儀則大讚阿姐表現好好，另一主持人邵國華更笑言阿姐非常利害，自己可以請假休息了。
葉麗儀在節目內透露當發現患乳癌時，頭三日感到非常不開心，她說：「嗰時冇晒心機，割咗個瘤之後傷口有三公分咁長。我覺得要珍惜同家人嘅感情，如果冇家人嘅支持，都唔會復元得咁快。」
阿姐亦表示為了做好節目，事前會做足資料搜集，阿姐說：「我聽到好多方面嘅知識，好似原來餵人奶唔會咁易患乳癌，因為上一代我哋係食母乳，但𠵱家新潮媽咪就唔會餵嘞，所以呢個節目可以畀人知多啲。」
採訪、攝影：駱華齡