參加過八年毅行者一百公里慈善行山比賽的醫學會會長勞永樂，噚日出席毅行者簡介會，佢對記者話，醫學會今年有十八隊共七十二個醫生參加，但係就冇自己份，主要係自己冇乜時間練習，唔想拖累其他隊友。
但係佢透露，沙士肆虐期間一度中招嘅馮康同何兆煒，曾參加毅行者，馮康更跑過馬拉松。𠵱家同佢哋斟緊，如果有人肯捐一百萬善款，佢哋會諗吓組成以沙士康復醫生為骨幹嘅隊伍共創善舉。
樂施會總幹事莊陳有話，唔知勞永樂嘅沙士康復醫生隊籌備成點。但為安全計，今年毅行者會要求所有參加者出發前，自己喺屋企探熱，如果有發燒就唔好行。大會重首次要求參賽者交健康申報表，做足防「沙」安全措施。
（圖）勞永樂希望組成沙士康復醫生隊，籌一百萬善款。
傳真︰2623-9278
電郵︰