組合Twins、Boy'Z和港姐冠軍曹敏莉等，前晚在無綫將軍澳電視廣播城出席《2003兒歌金曲頒獎典禮》。Twins前晚得到「十大兒歌金曲」、「社會脈搏兒歌大獎」銀獎及「兒歌金曲金獎」三個獎。
樂壇貪污案仍在調查中，Twins所屬的英皇亦涉其中，她們前晚得到三個獎項，可會覺得敏感？鍾欣桐（阿嬌）說：「我哋有努力，都係小朋友投票，係實至名歸。」阿嬌前晚抱恙上陣，二人昨日又馬不停蹄的在黃埔出席一個兒歌比賽，出任評判，阿嬌說：「我感冒都未清，所以都唔敢太近同小朋友接觸。」
此外，曹敏莉和文頌嫻前晚首次為《兒歌》頒獎禮做司儀，曹敏莉表現緊張，她說：「我畀自己表現得八十分，可以再好啲，但我下次要記熟啲台詞，以避免出錯，呢次演出緊張過選港姐。」
採訪：卓寶花、陳梅香
攝影：陳偉權