花名叫阿茂的軒仔，全因鍾意食餅，亦好整餅而得名。但這個阿茂，除了整餅，甚麼都愛煮。才10歲的他，會嚷着幫媽咪手煮飯做菜的小朋友。5、6歲開始便爭着煲飯、煎蛋，反而是媽咪怕危險不讓他煮那麼多。到升小學以後，他想也不想便揀了學做「天才小廚師」。
記者：吳佩璇 攝影：伍慶泉
家陣的小朋友興趣多多，好似阿茂又學琴又學空手道。但這都是媽咪替他安排的，講到真正自發性要學的，便只有小廚師班。阿茂說：「整完又可以食，而且自己煮嘅嘢係特別好味。」唔怕畀人話你女人型？「我唔覺得，好多廚師都係男人。」
連續兩年上暑期廚師班，阿茂學會了做馬拉糕、沙律、杯形蛋糕、啫喱糖……但這當然滿足不了他，他還會上網找食譜、儲下了不少雜誌菜譜，又會跟就讀中學的家姊學廚，每每家姊在學校的家政堂煮過甚麼，都會拿回家給細佬品嘗，然後兩姊弟齊齊再煮一次。而家姊在校的煮食筆記，又成了阿茂的必儲目標。
講到印象最深，是一次到兒童節目《至NET小人類》示範做番茄釀吞拿魚：「家姊幫我寄去參加，可以上電視整嘢食好開心！」到了這次拍攝，記者帶了兩頂小廚師帽給拍照用，阿茂愛不釋手：「我恨咗好耐嘞！」大熱天時，到記者走時仍然戴住唔除！
這個RockCakes，賣相有點像石頭，說穿了其實是提子蛋糕。是阿茂家姊在學校上家政堂所學的。「家姊喺學校整完帶返屋企畀我食。又香又脆，好好味，係我至愛。因為我最鍾意食餅，所以就有花名叫『阿茂』，自己整餅嚟食。」
自發粉 100克
鹽 8茶匙
人造牛油 50克
提子乾 50克
白砂糖 50克
蛋 半隻
淡奶 1-2茶匙
阿茂雖然鍾意整餅和食餅，但講到最拿手的，非做馬豆糕莫屬。此甜品小食是他年前在暑期烹飪班中所學的，由於可以開火煮，感覺更像下廚，而且整落又唔難，是阿茂最常煮的食物。適逢夏天，更至少每個月整兩次，是最佳的解悶小吃。
鷹粟粉 1/2杯
幼砂糖 3/4杯
椰汁 1/3杯
鮮奶 1/4杯
馬豆 1/4杯
（喜歡吃馬豆可多加一點）
