H200可以話係Q150嘅姊妹機，外形相似，同樣定位於LCDTV上，最大特徵係左右立體聲喇叭，螢幕亦比較大，達到20.1吋，對應HDTV，同時亦內置TVTuner，可經色差、S-Video及AV端字輸入畫面，完全替代電視位置。畫質亦優勝得多，與Plasma相比亦不輸蝕。不過講到電腦畫面就輸畀Q150，解像度只有800×600，Q150就可達到1,024×768。H200只有配合無線影音傳輸精靈，一樣可以無線操作，位置任揀。
另一款FP991主要照顧電腦用家需要，螢幕大小為19吋，現時LCD不斷減價，19吋LCD將會成為用家下一個升級目標，不妨先睇FP991嘅解像度，有1,280×1,024，亮度300nits及700:1對比度，加上25ms總反應時間，全屬高班規格，睇戲工作夠光，打機就夠快！FP991還有個殺着，螢幕可以90度旋轉，畫面會自動調整，配合170度嘅可視角度，點睇都咁正！