上個星期，亞Mark響一場合上碰到日產新任掌舵人AlexLee，見佢風塵僕僕、每事親力親為，睇嚟Alex升遷後嘅新工作，可謂殊不容易呢！
早陣子，亞Mark聽聞Alex上任後，頻頻跟一班助手開會，唔知嚟緊日產會有甚麼新動向呢？既然遇上李Sir，就不如直接了當咁問吓佢嘅未來大計啦！雖然新車未有落實方案，之不過手頭上多個車款，佢就話要加強推廣，首個大計矛頭直指March，皆因近排市場氣氛開始轉好，迷你車始終有一定需求，而March無論造型、設備同車價都有一定吸引力嘛！據亞Mark打探到，佢哋將會替March引入多個包裝，務求做到好似替班準買家度身訂做一樣，以迎合不同人士嘅口味喎！究竟新包裝下嘅March會係點？大家不妨拭目以待喇！