暑假習慣瞓到日上三竿，首日開學竟能準時上學，居功至偉的相信是充當人肉鬧鐘的父母。不過人肉鬧鐘終於可以唞唞，任憑小朋友點懶床，每朝遇到呢個吹氣鬧鐘，你手佢時，想唔醒都幾難！
記者：招佩珊
攝影：林栢鈞
ImageKids：雪盈、思俊、靜蓉
伸手㩒個掣就可以停止鬧鐘響，小朋友好容易再瞓番，以下兩款鬧鐘就增加難度。時間一到，母雞鐘便滑出6隻雞蛋仔，要將所有雞蛋放回母雞的頭頂才可停止響鬧。至於呈正方體的那一款就會彈出4塊Puzzle，停止響鬧的方法是要將4塊Puzzle放回原位並同時關掉響鬧掣，用得個腦時，小朋友便被迫起身。
按一下鬧鐘旁邊便可停止響鬧，而搵勻成個鐘都唔多覺有時間顯示，原來按鐘頂個掣就會以英文報時，給小朋友多個練習聆聽的機會。
小朋友被嘈醒的一刻最容易發脾氣，身邊拿得起的物件亦隨時會被掟落地，當然包括元兇──鬧鐘，有個吹氣水泡或有層海綿包實個鬧鐘，可以將損壞程度減到最低。當然，用盡力點保護都會壞，而設計上要得你停個鐘，包你個人即時醒晒！
一個鬧鐘有齊電筒、收音機及照明功能，用途多多。不過，呢個鬧鐘還有一個強頑功能，就是會發出警報聲。當嘟嘟嘟的鬧鐘聲唔可以嘈醒囝囝，媽咪就可以將電筒照明的開關掣撥向「Siren」那一邊，隨之而起便是極吵耳警報聲，是叫醒小朋友的秘密武器。
鐘面4個Q版公仔是日本女子組合Morning娘成員。當到了響鬧時間，就會聽到女子聲大嗌「OHAIYO」（早晨）。細妹唔識日文，但一聽鬧鐘響就自動彈起身跳舞，呢款鬧鐘果然奏效。
別以為是普通一隻蛋形鐘，它會邊響邊震，而且愈震愈勁，響鬧亦有由細漸大，雞蛋左搖右擺撞擊底座時亦會發出咯咯聲響，同時間又震又嘈，點到小朋友唔起身！
外形似足條恐龍尾，最特別的地方是它備有重響功能。到了指定時間而你又唔按停個鬧鐘，響兩分鐘就會自動停響，若然啟動「SNOOZE」呢個功能，8分鐘後便會再響過，唔怕瞓番唔知醒。除了以跳字顯示時間外，它亦是個迷你投影機，時間可投射在牆壁上。
HelloKitty經已夠討好，何況更有埋占卜，事先輸入自己的出生日期，鬧鐘便會每日自動顯示出當日的財運、戀愛及健康3方面的運程指數。怕且未到響鬧時間，女孩子亦會自動起身急不及待睇睇當日運程。
70年代，父母賺幾千錢蚊夠養3個5個孩子，大家講起都話奇迹。看看如今，賺幾萬都唔敢生。也好，生出來的孩子，我們都預備了最好的給他。
咁亦即係話父母都捨得使錢。IKEA04主題就係「和孩天地」，着重親子關係，例如兩位梳化會設計得特別深，讓一家三口坐在一塊；而小朋友家具就玩得，讓他們玩出創意。睇見又的確幾羡慕做細路。
提醒你，一年一度例行動作—IKEA新Catalogue，將於本周五（9月5日）開始派發，老套嗰句係：唔買都要攞嚟睇吓。 記者：何兆彬
售賣點
（a）JCLADIES（31022718）
地址：銅鑼灣時代廣場832號舖
（b）USAcrylic（25060122）
地址：中環德輔道中68號萬宜大廈2/F211號舖
（c）香港貿易發展局設計廊（25844146/25744149）
地址：灣仔港灣道1號香港會議展覽中心地下
（d）EI（25742299）
地址：灣仔摩理臣山道34號