內地客來港自由行，帶旺本港旅遊業，亦令傅家再次成為傳媒焦點。八方提到嘅傅家，就係喺何鴻燊經營澳門賭權前，雄霸澳門嘅傅老榕家族。傅家自六十年代離開澳門後，在港經營富麗華酒店，直至九七年傅家後人傅厚澤以六十九億元天價將富麗華售予麗新，威到盡。今年八月自由行前，傅家用七億購入尖沙嘴君怡酒店，再次進軍酒店業，成功摸底。
究竟傅厚澤點解咁識投資？佢接受內地傳媒訪問時話，恒生銀行創辦人善伯（何善衡），恒生名譽董事長利國偉及美麗華酒店創辦人楊志雲都係佢嘅良師益友。佢哋唔會教你點做，而係話你知舊時試過同你現在一樣嘅情況，講出當中嘅利害關係，最後加句：你自己諗諗啦。難怪傅厚澤咁厲害啦！
（圖）傅厚澤喺旅遊業再起飛前重返酒店業，真有眼光。
傳真︰2623-9278
電郵︰