韓國百變天后李貞賢日前接受訪問時力斥鄭秀文（Sammi）的MV抄襲她，欠缺個人風格。近日被指與Sammi復合的許志安，昨日被問到此事時大動肝火，多番表示不認識李貞賢，又連珠發炮反駁其言論，實行力撐緋聞女友Sammi。
許志安昨日在山頂的露天廣場出席「許志安愛心RugbyFun」活動。
對於韓國百變天后李貞賢日前接受有線娛樂新聞台訪問時，指鄭秀文主唱的歌曲《獨家試唱》和《煞科》除改編其歌曲《WA!》和《改變》外，又大肆抨擊Sammi的MV抄襲她，又指Sammi欠缺個人風格。
近日有傳跟Sammi復合的安仔，昨日在活動上被問到李貞賢力斥Sammi抄歌一事，安仔明顯有怒氣，他說：「佢（指李貞賢）係邊個嚟？我唔識佢，或者我『背』啦。其實有人翻唱佢啲歌，佢應該開心先係。佢咁勁，唔應該宣傳時講人哋，邊個借邊個宣傳，我唔講，佢應該做番自己嘅宣傳，我真係唔知佢係邊個喎！」
對於李貞賢狠批Sammi的MV抄她抄得似模似樣，安仔則繼續撐Sammi，他說：「拍MV導演叫你做乜就做乜，其實香港好多人識佢（指李貞賢）咩？我就唔識。」安仔言語間力撐Sammi，但他卻否認說：「我唔係撐佢。」
而昨日的活動上，大會安排了小朋友扮安仔表演，其中有個小女孩卻畫上「Nike眉」扮Sammi，安仔一臉尷尬問小女孩：「你條眉乜嘢事，第日返學係咪繼續呢個造型？」
此外，安仔日前曾透露將接拍中日韓合作的劇集，並與韓星崔智友合作，但安仔昨表示已辭演該劇，他說：「套劇要去上海一段日子，我諗我會有思鄉病，所以我推咗唔拍啦。」
採訪、攝影：卓美娟
