提起MEGUMI嗰陣，大家一定會即刻諗起佢個HCup巨胸，最近佢就憑住呢個優厚嘅天賦本錢，獲得咖啡商嘅垂青，搵佢嚟拍咖啡廣告，襯托啲咖啡豆有幾香，同埋啲奶味有幾勁喎！
MEGUMI最近做咗NESCAFE出品嘅SantaMartax罐裝咖啡嘅代言人，因為呢隻飲品嘅賣點係來自哥倫比亞嘅咖啡豆，所以個全新廣告就搵咗MEGUMI着好少衫咁扮哥倫比亞姑娘喺森林托豆，而焦點都依然例牌咁係佢個巨胸。
一向有「MEGUMILK」綽號嘅MEGUMI，當然就係着得好性感，喺鏡頭面前狂騷巨胸啦。而佢扮起哥倫比亞女郎嘅時候，都有啲說服力嘅，至少佢驟眼睇落去好似一個發育得好好嘅熱帶女郎一樣。不過全場嘅焦點，依然係佢個巨胸，多過佢托喺頭頂上面嘅咖啡豆，直頭搶晒咖啡豆嘅鏡，好似有少少妹仔大過主人婆嘅感覺囉。
聽講MEGUMI拍呢個廣告嗰陣，重要學跳舞同講西班牙文，但轉頭MEGUMI話自己都唔記得晒啲對白啦，咁搞法，唔通佢唔驚俾人話佢淨係靠個胸搵食咩？