無綫不單只對旗下合約藝人或歌手亮相有線極度關注，就連亮相無綫的藝人，處理亦極為嚴謹。據知，肥媽瑪利亞本於今日以電影《大丈夫》演員身份，到無綫錄影製作特輯，但結果因為肥媽是有線合約藝員關係，而遭無綫拒諸門外。
由曾志偉、陳小春、杜汶澤、車婉婉、毛舜筠和肥媽瑪利亞等演出的電影《大丈夫》，將於中秋節檔期上映，為加強宣傳攻勢，電影公司找無綫拍攝電影製作特輯，並於今日下午在無綫電視廣播城錄影。原本電影公司安排志偉、前有線主持毛舜筠和肥媽等演員參與錄影，但本報接獲消息，肥媽因是有線合約藝員身份，所以被無綫拒諸門外。
記者昨日致電肥媽了解事件，她承認被無綫禁止在該台亮相，肥媽更說：「之前曾志偉叫我上《獎門人》玩，但後來TVB話我個樣好『有線』，唔係咁好！」
不過，肥媽語氣平靜地笑說：「冇所謂啦，自己成個有線logo咁，又難怪人哋唔鍾意嘅！不過從另一個角度去睇，TVB咁做我反而更加開心，因為咁即係證明我喺有線做得好成功，令到人一眼望見我就諗起有線！」
對於禁止肥媽亮相，無綫綜藝及體育科經理黃家亮昨在電話中解釋說：「志偉佢哋個製作特輯係無綫製作，主導權喺無綫度，肥媽係有線合約藝員，自然唔係咁方便畀佢喺無綫亮相，除非電影公司買晒成個節目時段，以廣告形式出街，咁就冇問題囉！」
此外，在《大》片中，小春前緋聞女友車婉婉亦有份客串演出，而且更巧合地飾演小春前度女友。擔任《大》片監製的曾志偉，被問到是否借小春與車婉婉的緋聞來搞噱頭時，志偉說：「部戲有好多老友客串，通常佢哋嚟到之後，睇吓有乜嘢角色啱就做乜，絕對唔係刻意安排。」
採訪：戴彩煥
