張可頤前晚出席一名牌秋冬時裝展，真空穿上一襲大露背裙，她還表示現在身材正，有足夠本錢穿靚衫。問她不怕惹來途人圍觀時，她表示本打算步行至會場，豈料甫出酒店便有一的士停在跟前，她便乘的士到來。
名牌Gucci前晚在灣仔演藝學院舉行二○○三秋冬時裝展，請來二十五位模特兒示範六十多套冬裝，吸引名人明星捧場，包括張可頤、梁詠琪、趙式明、樂基兒、張玉珊、陳穎妍和助手Polly、黃秋生和余安安等。
張可頤近期成功收身，前晚真空穿上價值一萬五千元的Gucci新裝，大露背至腰間，性感非常，她還充滿自信地說：「今次真係終極挑戰，我喺屋企照晒鏡、黐晒膠紙先出嚟，做足安全措施，總之唔會令大家流鼻血㗎喇！」
問張可頤如此性感，不怕沿途惹人圍觀？她說：「我本來想喺君悅行過嚟，點知一出門口就有的士主動駛埋嚟，重停正我面前，咁我咪坐囉！」張可頤更揚言現時身材靚，有足夠本錢穿靚衫，女人味更隨年紀增加。
至於是否多了追求者，張可頤說：「欣賞嘅眼光係多咗，上前追求嘅就冇乜，呢啲始終講緣份，我都重搵緊男朋友。」
此外，重返娛樂圈拍攝劇集《功夫足球》的余安安，前晚大談感受，她說：「初時以為咁耐冇做戲會好生疏，好surprise拍落好舒服，同劇嘅杜汶澤又搞笑，總之好開心。」
但對於前夫李萬祺早前公開發表愛的宣言，余安安前晚一聞「李萬祺」三個字，即搶說：「Nocomment。」問她會否給前夫機會時，她仍說：「Nocomment。」問可有追求者，她說：「都冇時間，若果有，都要留畀我兩個老細，就係我兩個女。」
採訪：DebbieLum、RitaLeung
攝影：HoKwokHo
