鄉議局主席劉皇發噚晚喺王府飯店擺幾圍，請北京老朋友食飯，前港澳辦主任魯平、副主任李後，以及前新華社香港分社社長周南同場出現，真係墟冚。之前抱恙嘅周南睇落精神唔錯。
周南話自己喺北京生活得好清閒，啱啱先去完寧夏七日，重攞六盤山嚟考記者，但在場記者冇邊個識。嘩，周社長一開口就講以前毛澤東二萬五千里長征時攀過嘅最後一座高山，唔好話記者，好多人都搭唔到嘴。
周南問記者，毛澤東寫嘅《清平樂．六盤山》第一句「天高雲淡」之後係乜，記者都好無奈望住佢，佢就話「I'msurprised」記者唔知道，重話記者對中國歷史「不行」，甚至點名叫《文匯報》記者答，可惜都係答唔出。佢後來講出第二句「望斷南飛雁」之後，繼續第三、四句咁問，然後再問第二節係乜，真係畀佢搞到頭暈。
（圖）周南（右）用毛澤東寫嘅《清平樂．六盤山》考記者，重笑記者對中國歷史「不行」。
傳真︰2623-9278
電郵︰