徐子淇、樂基兒和劉浩龍昨日在香港仔中心出席「花都時裝展」。徐子淇透露網上正流傳自己加了工的裸照，她說：「今朝收到鄺文珣send畀我嘅電郵，係我一張露胸嘅相。嗰件衫其實喺上次電影頒獎禮着過，重貼咗兩個乳貼，𠵱家啲人改到冇着衫咁，好肉酸！我已經叫朋友唔好再轉寄張相出去。」
徐子淇續說：「呢啲唔係真相！𠵱家啲人真係無聊，做啲咁嘅嘢，重有個胸部咁細唔係真㗎，大啲就冇所謂，容乜易啲人真係以為我咁細。」問徐子淇會否send給男友？她說：「唔會，費事益佢，個胸咁細，第時點養大BB呀？」
早前有報道指陳奕迅因女友徐濠縈頻𠝹仔而患躁狂症，經常跟徐濠縈見面的劉浩龍說：「我係新人嚟㗎，𠵱家我忙出碟，成日喺屋企練歌，都好少見面。」
採訪、攝影：梁錦雯