容祖兒早前自爆已有男朋友，而這個與Joey拍拖兩年的男子卻從沒曝光，有傳是祖兒放煙幕，虛擬「男友」，但她卻聲稱雙方已見過家長。
對於兩年來男友都能避過傳媒的鏡頭，Joey說：「佢哋渣之嘛！」她稱爆出男友一事，其實是經理人霍紋希（Mani）的一片苦心，她說：「Mani唔想人再話我基，所以至講我有男朋友，但我唔想將個男友攞出嚟畀大家睇，佢一見光，啲人又要揭佢身世之謎，傳媒嘅壓力係可以破壞呢件事，我知啲人唔信，但唔信你又要問？答完你都係唔信，好無奈㗎。
「我哋一年至見三次，當然每次都會見一段比較長嘅時間，我有上過佢屋企，探過佢屋企人。」如此說來，她與男友的感情豈不是十分穩定？她即瞪大眼笑說：「呢啲easy嘢啫，𠵱家見家長都好平常。」
Joey口中的男友是地道香港人，但對方長期在日本工作，基本上兩口子見面不多，而她對於這段港、日長距離之戀，言談間也顯得信心不大，因為愛得有缺憾。
她說：「我哋都辛苦㗎，要承擔，亦都要付出，大家唔係成日見面，要講個信字，冇得諗太多，有時啲朋友都會話，你拍拖都唔好預有長遠希望，其實我自己都唔敢期望太高，預咗係唔好嘅結果，好嘅就當係天賜嘅禮物。」
Joey的愛情有缺憾，親情也沒有滿分，來自單親家庭的她，一直隨媽媽生活，提起爸爸，說話亦變得認真起來，她說：「我對佢冇乜評價，佢永遠係我爸爸，希望佢加油啦。」
兩個星期前，記者在銅鑼灣看見容祖兒的甲蟲車，但顏色由原來的青綠色變成銀色，至上周甲蟲車又由銀色變黑色，但車上人竟是……山村臺謝霆鋒。
其實是與祖兒同住一屋的「山村臺謝霆鋒」，即祖兒胞弟。祖兒把甲蟲車送給弟弟，自己就改駕寶馬，而祖兒弟弟很愛飆車，又愛將甲蟲車改裝，於是居於祖兒樓下的林曉峰，便取笑他是「山村臺謝霆鋒」，只望祖兒弟弟駕車小心，不要步霆鋒後塵。
撰文：朱芷瑩
攝影：陳志嵐
髮型：Billy（HairCulture）
服裝：SistyrMoon
