謝霆鋒昨晚在廣州舉行個人演唱會，邀請了鄭希怡（Yumiko）擔任其表演嘉賓，二人昨日到場館進行綵排時，霆鋒直指內地的音響效果不夠好。
對於契姐梅艷芳指有造謠者生事，傳她患病一事，霆鋒說：「呢啲嘢大家應該有分寸，唔使我去講，呢啲係大人嘅事，細路仔要行埋一邊，唔理得咁多。阿梅有同我提過係邊個，但唔想肯定。阿梅都有考慮過嚟廣州睇我嘅演唱會，不過屋企樓下有十架車等緊，係傳媒嘅壓力，我有嘢會親自同佢講。」
而Yumiko昨日則大爆霆鋒有「皇上」的花名，未知是否因其女友叫王菲（諧音王妃）的關係？霆鋒說：「唔關事，某年某日朋友開玩笑幫我改嘅，朋友玩我啫。」
此外，Yumiko昨晚會在升降台上演出，她說：「噚日（即前日）霆鋒生日，我喺升降台升上嚟送蛋糕畀佢，重錫咗佢一啖，我唔覺霆鋒電話不離手，但知道好多朋友傳訊息畀佢。」
記者胡苑君、林德雄廣州直擊