記者昨晚重訪安定邨定泰樓四樓的兇案現場，發現家家門戶緊閉，異常冷清，兇案單位的左鄰右里，換上了十三道簇新鐵閘，「啲人搬晒囉，佢哋俾單案嚇到夜晚瞓唔到覺，日日去房署嘈話要調遷，結果十九戶人搬剩六戶。」街坊指着那十三道鐵閘向記者說：「佢哋全部都係新搬來嘅。」
至於兇案單位，案發後整整七個月無人探訪，「門口鋪晒塵，宣傳單張同信成地都係，冇人去執。」兇案單位隔壁新搬來的曾小姐向記者說，今年二月該戶人家在房署職員陪同下搬走所有家具、雜物。兩星期前，有一對夫婦搬入上址，並開始裝修。
記者拍門，過了良久，屋門突然打開，露出一名男子的半張臉，輕聲向記者說：「我知道發生咗乜事，唔好再提呢件事喇。」話沒說完，大門應聲關上。
六戶舊街坊中的其中一戶，住着六十多歲的「胡伯」，他說：「我重記憶猶新㗎，舊年見到嗰個兇手時，我新抱都啱啱由大陸落咗來，𠵱家啲後生……唉！做人使乜咁凶殘吖，判終身監禁梗係唔夠啦。」
而定泰樓與一年前最大的分別，便是走廊和電梯大堂，已不見年前孩童追逐嬉戲的場面，記者穿過這條冷清走廊時，背後傳來一把男聲：「唔好影相」，一個人影隨即撲出來，擋在記者面前。「我記得呢件事，重好深刻，但係我唔想人哋再提，因為好驚兩個女會再記起。」街坊唐先生說。
唐先生住在定泰樓多年，兩個女兒與遇害的小兄妹是好朋友。案發翌日，他見到門外站滿警察和記者，嚇得立即請假，將兩個女兒送回內地過暑假。「細路仔，唔識嘢，佢哋已經忘記晒。」
記者 黃江奇