沈殿霞（肥姐）、Twins和Boy'Z等昨日在將軍澳電視廣播城，出席《2003兒歌金曲頒獎典禮》拜神儀式。近日梅艷芳（阿梅）患上重病的傳聞言之鑿鑿，肥姐昨日亦表示曾聽聞阿梅患病的消息。
肥姐歎惜說：「呢啲嘢要靠當事人嘅意志力，生命珍貴，阿梅係我偶像，我唔怕得罪其他歌手講句，喺舞台上嘅光芒舞藝，冇人比得上佢，如果佢有乜事，係好大損失，會令到所有親戚、朋友、歌迷都唔捨得，會係香港樂壇嘅一個損失。」說到此時，肥姐已忍不住語帶傷感地說：「所以想借用傳媒支筆同阿梅講聲，希望佢乖乖哋食藥去醫，我會默默祝福佢。」
問到肥姐阿梅究竟患上甚麼病？她只說：「我唔想講，等佢自己宣布，總之我會想辦法聯絡阿梅。」
採訪：卓寶花 攝影：仇志德