金鐘萬豪酒店宴會廳噚日可說冠蓋雲集，長實副主席李澤鉅、恒隆主席陳啟宗、鷹君董事總經理羅嘉瑞、中銀香港總裁和廣北、東方海外主席董建成、恒基地產副主席林高演、旅遊發展局主席周梁淑怡等共聚一堂，都只係因為一個人──大前研一。
大前以研究未來政經大勢發展而名噪一時，被譽為「未來學權威」，佢正職係顧問，但佢嘅客戶並非一般人，有些國家也禮聘他，難怪今次佢應花旗集團及亞洲協會之邀，成為環球經論壇系列首位講者，引來逾四百位商界人物捧場。
八方聽咗大前研一發表對香港經濟前景的看法，果然精闢簡潔──「靠中國中產階級」，難怪身兼亞洲協會主席的陳啟宗，請在場的特首辦主任林煥光向特首轉述。答問時段，有人問到中台關係，大前話「冇彎轉，台灣與中國只會日趨密切」；問中美關係，回應更簡單，就係「唔好同美國拗」。
（圖）大前研一（中）言論精闢，難怪陳啟宗想阿董聽吓。
傳真︰2623-9278
電郵︰